မြန်မာနိုင်ငံက GSM များ ပြည်ပတွင်ပါသုံးနိုင်ရန်စီစဉ်

မြန်မာနိုင်ငံ အပါအ၀င် အာဆီယံနိုင်ငံများ၏ နိုင်ငံတွင်းသုံး GSM ဖုန်းများကို အာဆီယံဒေသတွင်း နိုင်ငံများ အချင်းချင်း သယ်ဆောင်အသုံးပြုနိုင်ရန် ဆွေးနွေးညှိနှိုင်းမှုများ ပြုလုပ်နေကြပြီဟု မြန်မာ့ဆက်သွယ်ရေးလုပ်ငန်းမှ တာဝန်ရှိသူ တစ်ဦးက ပြည်တွင်း မီဒီယာများသို့ ပြောကြားလိုက်သည်။

ထိုသို့ နိုင်ငံဖြတ်ကျော် အသုံးပြုနိုင်မှု သဘောတူညီချက် တည်ဆောက်ပြီးခဲ့လျှင် လက်ရှိ ပြည်တွင်း၌ GSM ဖုန်း အသုံးပြုနိုင်သော မြို့ ၈၅ မြို့ ရှိပြီး ဖုန်းအလုံးရေ ငါးသိန်းခန့် ရှိနေသော GSM ဖုန်းများကို အာဆီယံနိုင်ငံများသို့ သယ်ဆောင်သွားကာ အသုံးပြုနိုင်မည် ဖြစ်သလို ထိုနိုင်ငံများမှ ဖုန်းများကိုလည်း ပြည်တွင်းသို့ ယူဆောင်လာကာ အသုံးပြုနိုင်မည် ဖြစ်သည်။ ထိုစီမံကိန်းကို ၂၀၁၁ ခုနှစ်အတွင်း အပြီး အကောင်အထည်ဖော် ဆောင်ရွက်သွားမည် ဖြစ်ပြီး ထိုစီမံကိန်းအတွက် GSM ဖုန်းများကိုလည်း နိုင်ငံအနှံ့ သုံးစွဲနိုင်ရန် ဆောင်ရွက်မည်ဟု သတင်းရရှိသည်။

ထိုကိစ္စနှင့် ပတ်သက်၍ ရန်ကုန်မြို့ခံ ဖုန်းပွဲစား တစ်ဦးက “အဲဒီလို GSM တွေက လုပ်နိုင်လာရင် ပေါက်ဈေး ဆယ်သိန်းအောက်ကို မကျနိုင်လောက်တော့ဘူးလို့ ထင်နေကြသူတွေလည်း ရှိပါတယ်။ ဒါပေမယ့် အာဆီယံနိုင်ငံတွေနဲ့ မြန်မာပြည်ကို ကိုယ်ပိုင်ဖုန်းသယ်သွားဖို့ လိုလောက်အောင် အိမ်ဦးနဲ့ ကြမ်းပြင် သွားလာနေသူတွေ အရေအတွက်ကလည်း ပြည်တွင်းမှာ ပြောပလောက်အောင် မများတာမို့ ဈေးဆက်တက်ဖို့တော့ မမြင်မိပါဘူး။ နောက်တစ်ချက် ထည့်စဉ်းစားရမှာက ကျွန်တော်တို့ဆီက GSM ဖုန်းပေါက်ဈေးက ဒေသတွင်းနိုင်ငံတွေနဲ့ ယှဉ်ရင်တောင် များနေပါသေးတယ်။ ဒီလို ဟိုကဖုန်းတွေ ဒီကို သယ်လာပြီး သုံးလို့ရပြီဆိုရင် ထိုင်း-မြန်မာနယ်စပ်က ဖုန်းတွေ ပြည်တွင်းကို ၀င်လာမှာပေါ့။ သဘောပြောတာပါ။ ဒါဆို ဖုန်းဘေလ်က ဘယ်လိုတွေ ဖြစ်မလဲ။ ကန့်သတ်ချက်တွေ ရှိလာမှာပါ။ ဒီစနစ်ကို ဘယ်လို စနစ်တကျ အကောင်အထည် ဖော်ကြမလဲ ဆိုတာကိုတော့ စောင့်ကြည့်ရမှာပါပဲ။ ဘာပဲပြောပြော ပိုတိုးတက်လာတဲ့ ကိစ္စမို့ ဂုဏ်ယူဝမ်းသာပါတယ်” ဟု သူ၏အမြင်ကို mmDailyNews သို့ ပြောပြခဲ့သည်။

လက်ရှိ ပြည်တွင်းတွင် စတင်ချပေးခဲ့သည်မှာ ဆယ်စုနှစ်တစ်ခု ကျော်လွန် ခဲ့ပြီ ဖြစ်သော GSM ဖုန်းအရေအတွက်မှာ ငါးသိန်းခန့်သာ ရှိသေးသော်လည်း လွန်ခဲ့သော လပိုင်းကမှ ချပေးခဲ့သော ငါးသိန်းတန် CDMA 450 MHz အမျိုးအစား နေပြည်တော်ဖုန်းများမှာ အရေအတွက်အားဖြင့် ငါးသိန်းနှစ်သောင်းကျော်တော့မည် ဖြစ်သည်။

ထိုသို့ ဖြစ်ရခြင်းမှာ ထိုဖုန်းများ၏ ပေါက်ဈေးသည် GSM ထက် သက်သာခြင်း၊ နယ်မြို့များအတွက် အားထားရာ ကွန်ရက် ဖြစ်ခြင်း၊ လက်ရှိပြည်တွင်းရှိ မြို့ ၂၁၅ မြို့တွင် အသုံးပြုနိုင်မည့် မြန်မာနိုင်ငံ၏ အကျယ်ပြန့်ဆုံး မိုဘိုင်းဖုန်းကွန်ရက် ဖြစ်ခြင်း၊ ဖုန်းလိုင်းကောင်းမွန်ခြင်း စသည့် အချက်များကြောင့် ဖြစ်သည်ဟု သုံးစွဲသူအချို့က ဆိုကြသည်။

GSM ဖုန်းများကို အင်တာနက် သုံးစွဲနိုင်စေရန် 2G အဆင့်နှင့် 2.5G အဆင့်များမှ 2.75G အဆင့်သို့ တိုးမြှင့်ပေးကာ အင်တာနက် သုံးစွဲစေနိုင်မည်ဟူသော အချက်နှင့် အာဆီယံနိုင်ငံများသို့ သယ်ဆောင်သွားနိုင်ပြီး ပြည်တွင်း ကွန်ရက်ကိုလည်း ချဲ့ထွင်တော့မည် ဆိုသော အချက်များကြောင့် ပြည်တွင်း ဈေးကွက်တွင် GSM နှင့် CDMA ဖုန်းများ၏ အားပြိုင်မှုကို ဆက်လက် စောင့်ကြည့်ရဦးမည် ဖြစ်ပေသည်။

အမေ လူထုဒေါ်အမာရဲ့ မွေးနေ့

စာရေးဆရာ၊ သတင်းစာဆရာမကြီး လူထုဒေါ်အမာ၏ ၉၅ နှစ်ပြည့် မွေးနေ့ဆွမ်းကပ် လှူဒါန်းပွဲကို နိုဝင်ဘာလ ၂၉ ရက်၊ နံနက် ၁၀ နာရီက စစ်ကိုင်းတောင်ရိုး၊ မြစကြာကျောင်းတိုက်၌ ကျင်းပ ပြုလုပ်ခဲ့ကြောင်း သတင်းရရှိသည်။ အဆိုပါ မွေးနေ့ ဆွမ်းကပ်လှူဒါန်းပွဲတွင် ဆရာမကြီး လူထုဒေါ်အမာ၏ သားသမီးများနှင့် စာပေတပည့် သားမြေးများက မြစကြာကျောင်းတိုက်၊ ပဓာနနာယက ဆရာတော် အရှင်ဣန္ဒကာဘိဝံသ အမှူးပြုသော ကျောင်းတိုက်တွင်းရှိ ရဟန်းသာမဏေ ၂၆၈ ပါးကို ဆွမ်း လောင်းလှူဒါန်းပြီး ရေစက်ချ အမျပေးဝေကာ ကြွရောက်လာသော ဧည့်ပရိသတ် အပေါင်းအား နံနက်စာဖြင့် တည်ခင်းဧည့်ခံကြသည်။

သတင်းစာဆရာ၊ စာရေးဆရာမကြီး လူထုဒေါ်အမာကို ၁၉၁၅ ခုနှစ်က မန္တလေးမြို့တွင် မွေးဖွားခဲ့ပြီး ၁၉၃၆ ခုနှစ်မှစ၍ ခင်လှဝင်း၊ မြမဉ္စူ၊ သပိတ်မှောက် ကျောင်းသူ မအမာ စသော ကလောင်အမည်များဖြင့် အိုးဝေမဂ္ဂဇင်း၊ ကြီးပွားရေး မဂ္ဂဇင်း၊ ဗားမားဂျာနယ် တို့တွင် ၀တ္ထုဆောင်းပါးများ စတင် ရေးသားခဲ့ပြီး ၁၉၃၉ ခုနှစ်တွင် ကြီးပွားရေး ဦးလှနှင့် လက်ထပ်ခဲ့သည်။ ဆက်လက်၍ ၁၉၄၅ တွင် လူထုဂျာနယ်နှင့် ၁၉၄၆ တွင် လူထုသတင်းစာတို့ကို ခင်ပွန်းသည်နှင့်အတူ ထုတ်ဝေခဲ့ပြီးနောက် လူထုဒေါ်အမာ ကလောင်အမည်ဖြင့် ဘာသာပြန်များ၊ နိုင်ငံရေး ဝေဖန်သုံးသပ်ချက်များ၊ ယဉ်ကျေးမှု အနုပညာဆိုင်ရာများနှင့် ပတ်သက်သော စာအုပ်စာတမ်းများ ရေးသားခဲ့သည်။ ၁၉၈၅ ခုနှစ် အသက် (၇၀)ပြည့်မှစ၍ စာပေတပည့် သားမြေးများက မွေးနေ့အခမ်းအနားကို အမရပူရ၊ တောင်လေးလုံး ကျောင်းတိုက်၌ စတင် ကျင်းပခဲ့ပြီး နှစ်စဉ်မပျက် ကျင်းပခဲ့သော တောင်လေးလုံး မွေးနေ့ပွဲများသည် ဆရာမကြီး၏ ခိုင်မာသော စာပေသြ၀ါဒများကို အစဉ်အဆက် ခံယူခဲ့သည့် မွေးနေ့အ ခမ်းအနားများအဖြစ် ထင်ရှားကျော်ကြားခဲ့သည်။ ၂၀၀၈ ခုနှစ် ဧပြီလ ၇ ရက်နေ့တွင် ဆရာမကြီး လူထုဒေါ်အမာသည် မန္တလေးမြို့ နေအိမ်၌ နှလုံးရောဂါဖြင့် ကွယ်လွန်ခဲ့သည်။ ကွယ်လွန်ပြီး ၂၀၀၈ ခုနှစ်၊ နိုဝင်ဘာ ၂၉ ရက်(၉၃)နှစ်မြောက် မွေးနေ့ အခမ်းအနားကို မန္တလေးမြို့ မဟာဝိဇိတာရုံ ကျောင်းတိုက်၌ ကျင်းပခဲ့ ပြီး (၉၄)နှစ်မြောက် မွေးနေ့ အခမ်းအနားကို ၂၀၀၉ ခုနှစ်၊ နိုဝင်ဘာ ၂၉ ရက်နေ့က စစ်ကိုင်းတောင်ရိုး ဟံသာဂီရိကျောင်းတိုက်၌ ကျင်းပခဲ့ကာ ယခုနှစ် နိုဝင်ဘာ ၂၉ ရက် (၉၅)နှစ်မြောက် မွေးနေ့အခမ်းအနားကို စစ်ကိုင်းတောင်ရိုး မြစကြာ ကျောင်းတိုက်၌ ကျင်းပခဲ့ကြောင်း သိရှိရသည်။

ရန်ကုန်က ပြည်သူ့လွှတ်တော်

ပြည်ထောင်စု မြန်မာနိုင်ငံတော်၏ ပြည်သူ့လွှတ်တော်ကို နေပြည်တော်သို့ ပြောင်းရွှေ့ခဲ့ပြီးနောက် ပြည်လမ်းနှင့် အလုံလမ်းထောင့်ရှိ ပြည်သူ့လွှတ်တော် အဆောက်အဦ နေရာကို တိုင်းအဆင့် အစိုးရရုံးကြီး လေးရုံးအဖြစ် ပြောင်းလဲ ဖွင့်လှစ်တော့မည်ဟု သတင်းရရှိသည်။

အဆိုပါ တိုင်းရုံးကြီး လေးရုံးမှာ ရန်ကုန်တိုင်းဒေသကြီး အထွေထွေအုပ်ချုပ်ရေး ဦးစီးဌာနရုံး၊ ရန်ကုန်တိုင်းဒေသကြီး ရဲတပ်ဖွဲ့မှူးရုံး၊ နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးနှင့် စည်ပင်သာယာရေး ဦးစီးဌာနရုံး နှင့် လူဝင်မှု ကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာနရုံး တို့ ဖြစ်ကြသည်။

အဆိုပါ ရုံးများ အနေဖြင့် လွှတ်တော်အဆောက်အဦ နေရာကို အောက်တိုဘာလထဲတွင် စတင်၍ ရုံးအဖြစ် အသုံးပြုတော့မည် ဖြစ်ကြောင်း တာဝန်ရှိသူတစ်ဦးက မီဒီယာများသို့ ပြောကြားခဲ့သည်။

ပြည်သူ့လွှတ်တော် အဆောက်အဦသည် ၁၉၇၀ ပြည့်နှစ် ခန့်က ဆောက်လုပ်ခဲ့သော မြန်မာနိုင်ငံ၏ အလှပ ခေတ်အမီဆုံး ရုံးများထဲတွင် တစ်ရုံးအပါအ၀င် ဖြစ်ပါသည်။

ရှေ့ဆက်လှမ်းရမယ့်ခရီး

မြန်မာပြည်သူပြည်သားများရှေ့ဆက်လှမ်းရမယ့်ခရီးဟာ
ပျော်ရွှင်ချောမွေ့သော နိုင်ငံတော်သစ်ဖြစ်ပါစေလို့ဆုတောင်းပါတယ်
အားလုံးညှိုနှိုင်းအောင်မြင်ပါစေလို့

iPhone 4 အသစ်ပေါ်နေပါပြီ
iOS 4 ကိုလည်း iPhone 3G, 3Gs တို့အပေါ်မှာလည်း Upgrade ပြုလုပ်သုံးနိုင်ပါပြီ